الاعلاميه وسام خاطر تكتب ,, فلوس ولا ضهر يدعم حظ ,,

اماكن كتير تزدحم بمن لا يستحقونها.

ظاهرة تفشت في كل الاماكن وعلى كل المستويات.

والاقاويل كثيرة فيها من يقول مال ومن يملك المال يملك السلطة ،

وقول اخر اللي ليه ضهر ما يضرب علي بطنه ،

وقول اخر الحظ يخلي الفاشل فالح .

في ناس كتير مش قادرة توصل لحلمها بسبب ناس تانية اخده مكانها

 لامتي هنفضل كده اماكن مشغولة بعقول فاضية ولسان متردد ونفوس مريضة

 فلنلقى نظرة علي مجتمعنا. لابد من تطهير كل الاماكن من الاشخاص المغتصبين اماكن غيرهم

في كل لحظة شخص ممكن حقه يهدر بسبب ان في واحد اخد مكانه

في وظيفة بسبب انه معاه فلوس او ليه ضهر او جت معاه ضربت حظ

والجانب الاخر يعيش بحسرته. يلعن عيشته ويوم ولادته 

 اماكن كتير مشغولة ببلهاء وسفهاء يفسدون ويضحكون وينامون اكثر ما يصلحوا ويبدعوا

 وطننا ياسادة في احتياج لتطهير شامل وجذري

 اكثر مما عليه الان , بلاش ناخد بالمظاهر خلينا ناخد بالفكر والاسلوب والاتقان.

وازاي هانستفيد من الشخص الفلاني في المكان المناسب ليه حسب امكانياته وقدراته

اعطوا العيش لخبازه , كفايه تهريج وطنا في حاجة لاشخاص تنتج في كل المجالات .

كفاية ندور علي فلان وفلانة ولاد العيلة الفلانية 

كفاية نرفع ناس ملهاش اساس .

ادوا الفرصة في كل الاماكن اللي يخاف عليها ويبدع فيها ويطور منها

والاهم انه يكون محتاجها مش تكون بالنسباله كمالة عدد وواجهة اجتماعية.

بلادي محتاجة بنت وولد محتاجين تراب بلادهم مش ناس عايشة فيها كمالة عدد…..